無聊的快樂

與中學同學維持著年尾走一轉的旅遊安排，其實很無聊。無聊是指不論去的地方和做的事，其實很多都是成日去成日做的，沒有新意沒有驚喜。但同一班識左咁多年都仲未絕交的人去旅行，就是有這種無聊的快樂。

旅行大家都去唔少，但有一些低能野，是平常旅行唔會做。例如次次都堅持要行程中打幾圈，這永遠會令你的旅情特別一些，因真係唔多人會帶幅麻將上機架嘛！有一些中學同學聚會，聚了十幾廿年每年的話題都仲係當年你點點點呀的時候，其實點解仲約出來見呢？友情記憶是要時時刻刻有存入先唔會貶值的。出來見面講下上次旅行點好笑，講下你份新工幾辛苦同事上司幾惡頂，又或近來的新嗜好，都比懷舊金曲夜精彩。